亞洲家族企業極多，最鍾意玩一件事：子承父業、千秋萬代。

當創辦人退休／臨終，通常會安排一位「老臣子」做過渡期 CEO，名義上叫輔助、實際上叫頂硬上。

你見到嘅，大致分三種款：

諸葛亮上身型：每日對新老闆講「你老豆點打江山」，然後自己衝出去搞北伐、簽合約、撐大旗； 極速投誠型：心知肚明「朝代已換」，三秒內改口叫少主做董事長，仲幫佢升 Instagram； 唔好阻我退休型：只想準時出糧，唔好叫我開會，當我係半透明人。

但問題係——唔論你係邊類，對新任少主嚟講，你都係「鰲拜」。

佢地遲早會搵個韋小寶，笑住將你“請退”離場。