提醒自己：又是新的一天！洗面再出發

連續兩日經歷震盪，港股穩、SQQQ傷、但我未跌低。

今朝起身，我問自己：今日想贏啲乜？

唔係賺幾多，而係輸得唔過份、撐得夠冷靜。

昨日總結（5月14日）：

港股全線持穩，長和、中海油、小幅浮盈續守 金沙破位有力，美團波動未止，京東續觀察 SQQQ 收報 US$25.37，累積虧損港幣 $48,000，暫無明顯反彈

今日觀察位：

納指是否高開低走？ SQQQ 能否試返 US$27？否則止蝕線 US$24.5 守唔守得住？ 金沙中國升穿 $15.8 能否正式轉勢？ 港股若轉強，是否考慮先減部分美團／加碼強勢股？

Day 3 核心策略：

「唔好亂郁，唔代表唔部署；等市郁之前，我自己先唔亂。」

保持冷靜，睇清突破位再行動，

因為對我嚟講，輸錢係風險，亂出手係代價。

未來預言：京東業績後大升！

番工的路上，聽到心裡，

天色繼續沉 誰人在夜深 等等等
誰曾在某夜飄近 交給我心卻狠心
沒有話要再講 怎掩飾失望
沒有淚要再淌 埋藏著以往以往的寄望

面上剩下漸已吹乾吹乾眼淚兩行
我說我盼望 我說我盼望
可SQQQ多一趟
但是但是現已心知這是渺茫

0855，on my mark,set , Go!

恒生指數應聲下跌，納指期貨仲係硬硬硬，一步錯 步步錯

中午結算，美團，京東搞咩東東

100萬真倉記錄 Day 3｜中場總結｜換馬不等於亂郁，止賺先係關鍵

今朝趁長和升穿 $44.7，全數沽出鎖利，平穩落車，唔回頭望。

跟住即刻換馬，轉入京東（$137.9）+ 美團（$139），部署科技反彈。

中場倉位重整後情況：

港股五隻：中海油、金沙、美團、京東、（長和已出清） 港股總值持平偏升，重點集中科技＋旅遊 SQQQ繼續觀察，未止蝕，但留意今晚納指走勢是否轉弱

中場反思：

換馬唔係因為驚，而係因為夠清醒。

長和收息穩，但已經無乜水位，轉攻科技，風險雖高，但搏得明智。

港股大跌，希望SQQQ 能夠救全家，敗家仔救全家，中狀員救老母，時間岩岩好！坐等京東，出業績報告

港股大跌，納指回升，仲成世界？ 京東已中，大注SQQQ 8點半必須中！

博輸左，又手賤加多一注SQQQ，京東都回落左

Sqqq 25蚊都守唔住

大注SQQQ先咁, 唔通連個天都唔鐘意我？借左100 萬先day 3, 已經輸左咁多，我買港股升美股跌，佢開港股跌，美股日日破新高。

我知我加太密，我知啲野做錯晒，依家係接飛刀，我見戶口愈來愈少錢，我停唔到，好驚

頂住24.5，一穿又仆街